Давид Трезеге Буэнос-Айресда «Ривер Плейт»га қайтди
Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага йўл олди. У аввалроқ «Ривер Плейт» сафида тўп суриб, жамоа билан Аргентина иккинчи лигасида чемпионликни ҳам қўлга киритганди. Бу ҳақда euro-football.ru хабар беради.
Бу сафар Трезеге майдонга эмас, клуб бошқарувига қайтмоқда. «Ривер Плейт» уни расман таништириш маросимини ўтказди, унда клуб раҳбарияти тўлиқ таркибда иштирок этди.
Трезегенинг аниқ лавозими ҳозирча очиқланмаган, бироқ у стратегик масалалар билан шуғулланиши ва «Ривер Плейт»ни институционал даражада вакиллаши маълум қилинди.
Эслатиб ўтамиз, француз футболчи 2015 йилда фаолиятини якунлаган.