Джикия агенти ҳимоячининг «Антальяспор»даги келажагини изоҳлади
«Антальяспор» футболчиси Георгий Джикиянинг агенти Владимир Кузмичёв россиялик ҳимоячининг келажаги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг айтишича, Джикиянинг аҳволи яхши ва клуб мураббийлар штаби унга ишонмоқда. Сўнгги учрашувларда у майдонга тушмаганига сабаб микро жароҳат бўлгани, ҳозир эса тўлиқ тиклангани таъкидланди. Кузмичёвнинг фикрича, Джикия кейинги ўйинда яна таркибда кўриниши мумкин.
Аввалроқ айрим манбаларда турк клуби «Спартак»нинг собиқ сардори билан хайрлашишни кўзлаётгани ҳақида хабарлар тарқалган эди.
Джикия бу мавсум Туркия чемпионатида 12 та ўйинда қатнашиб, 2 бор рақиблар дарвозасини ишғол қилган. Унинг «Антальяспор» билан амалдаги шартномаси 2027 йил ўрталаригача мўлжалланган.