«Атлетико» АПЛ ярим ҳимоячиси учун 40 млн евро тўлаши мумкин
«Вулверхэмптон» ярим ҳимоячиси Жоао Гомес Англия Премьер-лигасини тарк этиб, Испания чемпионатига кўчиб ўтиши эҳтимоли пайдо бўлди. Бу ҳақда Sport.es манбаси хабар тарқатди. Бу ҳақда euro-football.ru хабар беради.
Маълумотларга кўра, бразилиялик футболчига Мадриднинг «Атлетико» клуби жиддий қизиқиш билдирмоқда. «Матрасниклар» «Барселона» ярим ҳимоячиси Марк Касадо бўйича музокаралар муваффақиятсиз якунлангач, эътиборини Гомесга қаратган. Мадрид клуби трансфер учун 40 миллион еврогача маблағ ажратишга тайёр.
Гомес жорий мавсумда 25 та учрашувда майдонга тушиб, битта голли узатма муаллифи бўлди. Унинг «бўрилар» билан амалдаги шартномаси 2030 йил ёзигача мўлжалланган.