«Тоттенҳэм» Галлахер бўйича музокараларда олдинга силжимоқда
Англиянинг «Тоттенҳэм» клуби Мадриднинг «Атлетико» жамоасида тўп сураётган ярим ҳимоячи Конор Галлахерни таркибига қўшиб олиш устида ишламоқда. Бу ҳақда The Athletic нашри хабар берди. Бу ҳақда euro-football.ru хабар беради.
Манбага кўра, лондонликлар 40 миллион евро миқдорида таклиф билан чиққан ва ушбу сумма «Атлетико» томонидан қабул қилиниши кутилмоқда. Футболчининг ўзи ҳам трансферга ижобий қараётгани таъкидланмоқда.
Галлахерга «Астон Вилла» ҳам жиддий қизиқиш билдирган, бироқ клуб молиявий мувозанатни сақлаш масаласи сабабли томонлар келишувга яқинлаша олмаган.
25 ёшли Англия терма жамоаси аъзоси «Челси»дан «Атлетико»га ўтганидан сўнг 18 ой давомида Испанияда ўйнаб келмоқда. Жорий мавсумда у старт таркибида камроқ майдонга тушяпти: 21 ўйинда 2 та гол урди ва 1 та голли узатма берди.