Жамолиддин Ходжаниёзов «Сурхон» билан битимни яна икки йилга узайтирди
Марказий ҳимоячи Жамолиддин Ходжаниёзов «Сурхон» билан келишувини яна икки мавсумга узайтирди. 29 ёшли футболчи жамоа сафида 2024 йилдан буён тўп суриб келмоқда.
6 январ ҳолатига кўра, ҳимоячининг трансфер қиймати 300 минг евро (352 минг доллар) деб баҳоланган. Ходжаниёзов «Сурхон»даги бир ярим йил давомида 39 та учрашувда майдонга тушди.
Бунга қадар у Санкт-Петербургнинг «Зенит», Қозоннинг «Рубин», Калининграднинг «Балтика» клублари ҳамда Даниянинг «Орхус» жамоасида ўйнаган. Шунингдек, футболчи Россия U-17 терма жамоаси таркибида Европа чемпионлиги унвонини ҳам қўлга киритган.
Клуб матбуот хизмати Ходжаниёзовнинг тажрибаси ва етакчилик фазилатлари жамоа учун муҳим экани, у ёш футболчилар учун намуна бўлиб хизмат қилаётганини таъкидлади.