«Атлетико» собиқ «Арсенал» футболчиси Таварешга кўз тикди
«Лацио»нинг чап қанот ҳимоячиси Нуну Тавареш фаолиятини Мадриднинг «Атлетико» клубида давом эттириши мумкин. Бу ҳақда euro-football.ru хабар беради.
Журналист Флориан Плеттенберг хабарига кўра, «матрасчилар» вакиллари эҳтимолий трансфер шартлари бўйича маълумот сўраган. Ҳозирча гап фақат қизиқиш ҳақида кетмоқда, аниқ музокаралар бошлангани йўқ.
2025 йил ёзида «Лацио» Таварешни Лондоннинг «Арсенал»идан 5 миллион евроға тўлиқ сотиб олганди. Бунгача португалиялик футболчи римликлар сафида ижара асосида ўйнаган. Transfermarkt баҳосига кўра, 25 ёшли футболчининг қиймати 15 миллион еврони ташкил этади, унинг амалдаги шартномаси 2029 йилгача мўлжалланган.