Криштиану Роналду Globe Soccer маросимида янги совринни қўлга киритди
“Ал-Наср” ва Португалия терма жамоаси ҳужумчиси Криштиану Роналду Globe Soccer Awards тақдирлаш маросимида эътиборсиз қолмади. У “Яқин Шарқнинг энг яхши футболчиси” номинацияси ғолиби деб топилди. Бу ҳақда euro-football.ru хабар беради.
Роналду яқинда 2025 йил давомида урган голлари сонини 40 тага етказди. Португалиялик юлдуз футбол тарихидаги энг сермаҳсул тўпурар бўлиб турибди — унинг ҳисобида 956 та гол бор. У фаолияти давомида 1000 гол маррасига яқинлашиб бормоқда.
Эслатиб ўтамиз, Роналду аввалроқ беш бор “Олтин тўп”ни қўлга киритган. Европаидаги фаолияти давомида у “Спортинг”, “Манчестер Юнайтед”, “Реал” ва “Ювентус” клубларида тўп сурган.