Раул Ямалнинг ЖЧ-2026даги роли ҳақида фикр билдирди
Мадриднинг “Реал” клуби афсонаси Раул 18 ёшли истеъдодли вингер Ламин Ямалнинг Испания терма жамоасидаги аҳамияти ва ЖЧ-2026 олдидан кутилмалар ҳақида гапирди. Бу ҳақда euro-football.ru хабар беради.
Раулнинг таъкидлашича, Ямал терма жамоа учун муҳим футболчига айланади, бироқ ҳозирча жамоанинг асосий етакчиси бўлиши эрта. У Ламин мослашиш жараёнидан ўтаётганини, ҳали устида ишлаши керак бўлган жиҳатлар борлигини қайд этди. Шунга қарамай, Раул Ямал мундиалда яхши ўйин кўрсатиб, жамоага кубок учун курашда ёрдам беришига ишонишини айтди.
Эслатиб ўтамиз, навбатдаги жаҳон чемпионати келаси ёзда Шимолий Америкада бўлиб ўтади. Турнирга мезбонликни уч давлат — АҚШ, Канада ва Мексика қилади. Ҳозирги амалдаги чемпион эса Аргентина терма жамоаси ҳисобланади.