Тони Кроос бирга ўйнаган энг кучли футболчини айтди
Германия терма жамоаси ва Мадриднинг «Реал» клубида тўп сурган собиқ ярим ҳимоячи Тони Кроос фаолияти давомида бир жамоада ўйнаган энг зўр футболчини номлади. Бу ҳақда euro-football.ru хабар беради.
AS нашрига кўра, Кроос бу борада танловини Криштиану Роналдудан тўхтатган: «Роналду — мен бирга ўйнаган энг яхши футболчи», — деди у.
Эслатиб ўтамиз, Кроос ва Роналду «Реал» сафида 2014 йилдан 2018 йилгача бирга ҳаракат қилган.
Кроос футболчилик фаолиятини якунлаган. 40 ёшли Роналду эса Саудия Арабистони чемпионатида «Ал-Наср» шарафини ҳимоя қилмоқда. Португалиялик ҳужумчининг шартномаси 2027 йил июн ойи охиригача мўлжалланган, унинг бозор қиймати 12 млн евро деб баҳоланмоқда.