ПСЖ «Реал» ҳимоячиси Рюдигерни текинга олиши мумкин
Ёзда немис футболчини бепул қўлга киритиш мумкин бўлади, агар шу вақтгача у Мадрид клуби билан амалдаги шартномасини узайтирмаса. Қайд этилишича, ПСЖ президенти Нассер ал-Хелаифи Антонио Рюдигерга яхши молиявий шартларни таклиф қилишга тайёр.
Баҳор бошида Рюдигер 33 ёшга тўлади. Transfermarkt мутахассислари футболчини 12 миллион евроға баҳоламоқда.
Ҳозир ПСЖ Лига 1 турнир жадвалида иккинчи ўринда бормоқда. «Ланс» эса бир очко кўпроқ жамғарган.