Amerika Kubokunun qrup mərhələsinin II turunun Peru – Kanada oyununda xoşagəlməz hadisə yaşanıb.
Futbolpress.az xəbər verir ki, görüşün birinci hissəsinin sonunda köməkçi hakim Humberto Panyoyun vəziyyəti pisləşib. Özünü yerə atan referi dərhal xəstəxanaya aparılıb.
Referinin özündəngetmə səbəbi açıqlanmayıb. Xarici KİV hakimin havanın çox isti olması səbəbindən özünü narahat hiss etdiyini deyib. Matç zamanı hava temperaturu 33 dərəcə olub.
Qarşılaşma 5 dəqiqəlik fasilədən sonra davam etdirilib.
Kanada Perunu 1:0 hesabıyla məğlub edib.
