А Серия 18-туридан ўрин олган "Аталанта" - "Салернитана" баҳси бўлиб ўтди. Унда майдон эгалари йирик 8:2 ҳисобида ғалаба қозонди. Қайд этиш лозим, "Салернитана" дарвозасини ушбу баҳсда таниқли мексикалик дарвозабон Очоа қўриқлади, аммо у ҳам жамоасини йирик ғалабадан қутқара олмади. Айни вақтда бергамоликлар А Серия турнир жадвалида 34 очко билан 6-поғонани банд этиб турибди. 18 очкоси бор "Салернитана" 16-ўринни банд этиб турибди. Аталанта – Салернитана 8:2 (5:1, 3:1) Голлар: 1:0 – 5 Бога, 1:1 – 10 Диа, 2:1 – 20, пенальти Лукман, 3:1 – 23 Скальвини, 4:1 – 38 Копмейнерс, 5:1 – 41 Хейлунд, 6:1 – 54 Лукман, 6:2 – 56 Николусси-Кавилья, 7:2 – 61 Эдерсон, 8:2 – 85 Дзортеа. Аталанта – Муссо, Дзаппакоста (Дзортеа, 58), Паломино, Толои (Демирал, 58), Скальвини, Руджери, де Рон (Эдерсон, 46), Копмейнерс, Бога, Лукман (Мэле, 81), Хейлунд (Сапата, 64). Салернитана – Очоа, Фасио (Радованович, 72), Пирола (Самбия, 86), Ловато (Дьомбер, 46), Брадарич, Кандрева, Вильена (Кастанос, 71), Кулибали, Николусси-Кавилья, Пентек, Диа (Бонаццоли, 72). Огоҳлантириш: Копмейнерс (30).