Футбол бўйича Европа Конференциялар Лигасининг 1/2 финал босқичи жавоб ўйинида «Рома» 5 май, пайшанба куни «Лестер» билан баҳс юритди. Римда кечган баҳс мезбонларнинг кичик ҳисобдаги ғалабаси билан якунланди. Учрашув тақдирини ҳал қилиб берган ягона гол 11-дақиқада Тэмми Абраҳам томонидан киритилди. Англиялик футболчи бурчакдан оширилган тўпни боши билан ажойиб тарзда дарвозага жойлаб қўйди. Шу тариқа «Рома» икки ўйин натижасига кўра 2:1 ҳисобида «Лестер» устидан ғалаба қозониб, Европа Конференциялар Лигаси ярим финалига йўл олди. Жамоалар ўртасидаги Англияда кечган ўйин 1:1 ҳисобидаги дуранг билан якунланганди. Қайд этиш керак, беллашувда «Рома»нинг ўзбекистонлик ҳужумчиси Элдор Шомуродов 89-дақиқада Абраҳамнинг ўрнига майдонга тушди. 26 ёшли футболчи илк баҳсда захирада қолдирилганди. Иккинчи ярим финалда «Фейеноорд» «Марсель» тўсиғидан ўтиб, финал йўлланмасини қўлга киритди. Мусобақанинг финал ўйини 25 май санасида бўлиб ўтади. Конференциялар Лигаси 1/2 финал, жавоб баҳслари «Рома» Италия – «Лестер» Англия 1:0 Гол: 1:0 – 11 Абраҳам «Рома»: Руй Патрисиу, Карсдорп, Смоллинг, Манчини, Рожер, Залевски (Виня, 84), Сержиу Оливейра, Кристанте, Пеллегрини, Занёло (Верету, 78), Абраҳам (Шомуродов, 89). «Лестер»: Шмейхель, Рикарду Перейра (Кастань, 70), Эванс, Фофана, Жастин, Тилеманс, Мэддисон, Дюзбери-Ҳолл (Перес, 77), Барнс (Иҳеаначо, 46), Варди, Лукман (Амарти, 46). Огоҳлантиришлар: Манчини (41), Фофана (68), Карсдорп (86). Дастлабки ўйин — 1:1. «Марсель» Франция – «Фейеноорд» Нидерландия 0:0. Дастлабки ўйин — 2:3.
