Martin Ødegaard fekk endeleg nokre minuttar for Real Madrid mot Celta Vigo, etter ein tung og skadefylt haust. Han blei bytta inn i det 85. minutt.
Strive sin ekspertkommentator gledar seg over innhoppet, men føler med den hausten han har hatt.
– Han var utan tvil den beste spelaren i serien før covid-19, så fekk han skader. Då han kom tilbake og ikkje følte seg bra fysisk, så fekk han sjansen for tidleg, meiner eg, seier han og fortset:
– Det spelar ein stor rolle i adapsjonen tilbake til Real Madrid. Han treng å bygge sjølvtillit att, for Real Madrid treng han. Dei har spela den same startellevaren i fleire kampar no, og no kjem det skader. Eg håpar verkeleg han blir suksessfull her også.
Real Madrid vann kampen 2–0, etter scoring av Marco Asensio og Lucas Vázquez.