Det engelske fotballforbundet (FA) kunngjorde måndag at spelarar på alle nivå i det engelske ligasystemet neste sesong kan risikere å bli utvist dersom dei med vilje hostar i ansiktet på motspelarar eller dommarar, som følgje av nye virusretningslinjer. I dei nye retningslinjene blir hosting mot andre sett på lik linje med slag. Dersom hendinga er av mindre alvorleg grad kan dommarane gi gult kort for usportsleg oppførsel. Det blir vidare sagt at «vanleg» hosting og nysing ikkje skal straffast.
