Chelsea`nin sabiq futbolçusu Salomon Kalou gələn mövsümdən etibarən Braziliya çempionatında çıxış edəcək. ONBİR Goal.com`a istinadən bildirir ki, Botafogo kot-d’İvuarlı oyunçunu azad agent statusunda heyətinə qatıb.
Son 6 mövsümdə Bundesliga`da çıxış edən Salomon Kalou Hertha Berlin komandasında forma geyirdi. Berlinlilərin heyətində 173 oyun keçirən 34 yaşlı hücumçu 53 qol və 16 məhsuldar ötürmə ilə yadda qalmışdı. Son mövsümdə isə yalnız 7 görüşdə meydana çıxan təcrübəli hücumçu 2 dəfə fərqlənmişdi.