Եվրոպայի ֆուտբոլի առաջնությունը կկայանա 2021 թվականի հունիսի 11-ից հոււլիսի 11-ը։
Եվրոպական ֆուտբոլային ասոցիացիների միությունը (ՈւԵՖԱ) այսօր՝ մարտի 17-ին, արտակարգ համաժողով է անցկացնում՝ կապված Չեմպիոնների լիգայի, Եվրոպա լիգայի, Եվրո-2020-ի և բոլոր ազգային առաջնությունների՝ կորոնավիրուսի համաճարակով պայմանավորված չեղարկումների հետ:
Համաժողովի գլխավոր հարցը վերաբերել է Եվրոպայի 2020 թվականի առաջնության անցկացմանը, որը կորոնավիրուսի համաճարակի պատճառով վտանգի տակ էր: Արդյունքում որոշվել է մրցաշարը տեղափոխել 2021 թվական՝ հունիսի 11-ից հուլիսի 11-ը: Այս մասին հայտնում է Նորվեգիայի ֆուտբոլային ասոցիացիան թվիթերյան գրառմամբ: