Աբխազիայի արտաքին գործերի նախարարության փոխղեկավար Օդիսեյ Բիգվավան ասել է, որ Աբխազիայի և Վրաստանի միջև ուժի չկիրառման մասին փաստաթղթի համակարգումն ու ստորագրումը պետք է լինի Անդրկովկասում անվտանգության և կայունության վերաբերյալ Ժնևյան քննարկումների առանցքային հարց, հայտնում է interfax.ru-ն:
Ժնևյան քննարկումների համանախագահների հետ հանդիպմանն, ըստ Աբխազիայի ԱԳՆ մամուլի ծառայության, Բիգվավան նաև կողմ է արտահայտվել Գալիում միջադեպերի կանխարգելման և արձագանքման մեխանիզմի հարցով աշխատանքի վերսկսմանը։
ԵԱՀԿ համանախագահ Վիորել Մոշանուն, իր հերթին, ընդգծել է, որ «քննարկումների բոլոր մասնակիցներն ունեն ընդհանուր նպատակ՝ հանդիպումը Ժնևում հնարավորինս արդյունավետ դարձնել»։
Քննարկումների 62-րդ փուլի անցկացումը նախատեսված է նոյեմբերի 5-6-ը։