ԱՄՆ նախագահ Ջո Բայդենը ստորագրել է երկրի ժամանակավոր բյուջեի օրինագիծը։ Այն նախատեսում է կառավարության ֆինանսավորման երկարաձգում մինչև դեկտեմբերի 20-ը, ասվում է Սպիտակ տան մամուլի հաղորդագրության մեջ։
Երեկ՝ սեպտեմբերի 26-ին, բյուջեի նախագիծը հաստատվել է Կոնգրեսի երկու պալատների՝ Ներկայացուցիչների պալատի և Սենատի կողմից։
Ընթացիկ բյուջեն ավարտվում է սեպտեմբերի 30-ին։ Եթե նոր նախագիծը չընդունվեր, կառավարության աշխատանքը կանգ կառներ: Օրինագիծը պատրաստել է Ներկայացուցիչների պալատի խոսնակ Մայք Ջոնսոնը, որն այն ներկայացրել է անցյալ շաբաթ։