ԵԽԽՎ նախագահ Թեոդորոս Ռուսոպուլոսը քննադատել է որոշ պատգամավորների մուտքն Ադրբեջան արգելելու՝ Բաքվի որոշումը:
«Դա վատ ազդանշան է: Իրենց խղճի համաձայն քվեարկածներին սև ցուցակում ներառելը կարող է ունենալ միայն հակառակ արդյունք»,-ասել է նա:
Հիշեցնենք, որ Բաքուն արգելել էր ԵԽԽՎ այն պատգամավորների մուտքը երկիր, որոնք դեմ են քվեարկել ադրբեջանական պատվիրակությանը:
Երկրի ԱԳՆ-ն հայտարարել է, որ եթե անցանկալի անձանց ցուցակում նշվածները ժամանեն Ադրբեջան մինչև ԵԽԽՎ-ում պատվիրակության մանդատի վերականգնումը, նրանց հետ կուղարկեն։