Ճապոնիայի արևելքում՝ Տոկիոյի մերձակայքում, 5,3 մագնիտուդ ուժգնությամբ երկրաշարժ է գրանցվել, սակայն ցունամիի վտանգ չկա։ Այս մասին, ինչպես գրում է ՏԱՍՍ-ը, հայտնել է Ազգային օդերևութաբանական ծառայությունը։
Ստորգետնյա ցնցումների էպիկենտրոնը գտնվել է Կանագավայի պրեֆեկտուրայում՝ մայրաքաղաքին հարող տարածքում։ Օջախը գտնվել է 10 կմ խորության վրա։
Օգոստոսի 8-ին հարավարևմտյան Կյուսյու կղզու մոտ 7,1 մագնիտուդ ուժգնությամբ երկրաշարժ է տեղի ունեցել։ Երկրում նախազգուշացում է հայտարարվել Խաղաղ օվկիանոսում՝ Ճապոնիայի հարավում Նանկայի խզվածքում 8 մագնիտուդով հզոր երկրաշարժի հավանականության մասին։ Նախազգուշացման ֆոնին երկրի վարչապետը չեղարկել է Կենտրոնական Ասիա իր այցը: