«Դեբի» արևադարձային փոթորիկը 1 միլիոն դոլար արժողությամբ կոկաին է նետել ԱՄՆ Ֆլորիդա նահանգի Քիզ ափը, հայտնել է ԱՄՆ սահմանապահ ծառայությունը:
Թմրանյութով լի 25 փաթեթները հայտնվել են լողափում, ինչի մասին ոստիկանությանն ահազանգել է մի մարդ: Հայտնաբերման հստակ վայրը չի նշվել, սակայն հրապարակվել է կոկաինով լի փաթեթների լուսանկարը:
Նշվում է, որ «Դեբի» փոթորիկը երկուշաբթի հարվածել է Ֆլորիդային՝ առնվազն չորս մարդու կյանք խլելով: ԱՄՆ հարավ-արևելյան նահանգներում հորդառատ անձրևներ են և հեղեղումներ: