«Մեծ սաղավարտի» 22-ակի հաղթող իսպանացի թենիսիստ Ռաֆայել Նադալը դուրս է եկել Շվեդիայի ATP-250 մրցաշարի եզրափակիչ:
Կիսաեզրափակիչ խաղում նա 4:6, 6:3, 6:4 հաշվով հաղթեց խորվաթ Դույե Այդուկովիչին (130-րդ ռակետ):
38-ամյա Նադալը ATP մենախաղի մրցաշարերում դուրս է եկել իր կարիերայի 131-րդ եզրափակիչ։
Մրցաշարի եզրափակչում Ռաֆայել Նադալը կխաղա Տիագո Ագուստին Տիրանտե (Արգենտինա) – Նունո Բորխես (Պորտուգալիա) հանդիպման հաղթողի հետ։