PR-ի համաշխարհային օրը՝ հուլիսի 16-ին, կայացավ Հայկական PR մրցանակաբաշխություն 2024-ը, որի նպատակն է համակարգել Հայաստանում հանրային կապերի (PR) ոլորտում իրականացվող և իրականացված լավագույն ծրագրերը, ինչպես նաև ըստ արժանվույն գնահատել հանրային կապերի մասնագետներին՝ նպաստելով Հայաստանում PR մշակույթի ձևավորմանն ու զարգացմանը: Հայկական PR մրցանակաբաշխությունը, որը կազմակերպվում է «Հայկական Փի Ար» ասոցիացիայի կողմից, օգնում է նոր չափանիշ սահմանել հանրային կապերի պատասխանատուների համար, խթանել առողջ մրցակցությանը մասնագիտական դաշտում, լինել առավել ստեղծագործ, ինքնատիպ ու առաջադեմ:
«Հայկական Փի Ար» ասոցիացիայի կողմից իրականացվող հանրային կապերի (PR) ամենամյա հետազոտությունը հնարավորություն է տալիս վերլուծելու Հայաստանում անկախացումից հետո մասնագիտական ձեռքբերումները, պարզելու ոլորտում առկա խնդիրներն ու բացթողումները՝ նպաստելով հանրային կապերի մասնագետի կրթմանն ու արժևորմանը:
«Հայկական Փի Ար» ասոցիացիայի գիտահետազոտական կենտրոնը տարվա ընթացքում ուսումանասիրում է տարբեր ոլորտներում հանրության ուշադրությանն արժանացած ծրագրերն ու նախաձեռնությունները, հանրային կապերի մասնագետների աշխատանքը, ԶԼՄ-ների հետ հաղորդակցության քաղաքականությունը:
Հետազոտության ընթացքում հարցման է ենթարկվել 9800 մարդ: Ֆոկուս խմբերում ներառվել են ինչպես մայրաքաղաքային, այնպես էլ համայնքների ներկայացուցիչներ, դիտարկվել են սոցմեդիան, ԶԼՄ-ներն ու տեղեկատվական տարբեր ալիքներ:
Հարցման ենթարկված ԶԼՄ ներկայացուցիչերը գնահատել են հատկապես պետական կառավարման համակարգում հանրային կապերի մասնագետների աշխատանքը: Արդյունքում առանձնացվել է լավագույն տասնյակը, հետագայում նաև լավագույն եռյակը: Իսկ հեղինակավոր մասնագիտական հանձնաժողովի անդամները փակ գաղտնի քվեարկությամբ ընտրել են լավագույնին:
Մանրամասները՝ տեսանյութում:
