Ամերիկյան իրապատում շոուների աստղ Քիմ Քարդաշյանը, որը կրտսեր քրոջ՝ Քլոյե Քարդաշյանի հետ հրավիրված է Ասիայի ամենահարուստ մարդու՝ հնդիկ գործարար Մուքեշ Ամբանիի որդու հարսանեկան արարողությանը, նոր լուսանկարներ է հրապարակել Մումբայ քաղաքից:
43-ամյա աստղը ցույց է տվել՝ ինչ տեսքով է մասնակցել հարսանեկան եռօրյա տոնակատարություննների շրջանակում կազմակերպված հերթական միջոցառմանը,գրում է Daily Mail-ը:
Քարդաշյանը կրել է ալ կարմիր զգեստ և թանկարժեք կանաչ քարերով ճոխ գլխազարդ:
Նշենք, որ տոնական արարողությունը մեկնարկել է ուրբաթ և կավարտի կիրակի: Փեսան՝ Անանտ Ամբանին, ամուսնանում է մեկ այլ մեծահարուստ ընտանիքի ներկայացուցչի՝ Ռադհիկա Մերչանտի հետ:
Հյուրերի ցանկում են Meta-ի ղեկավար Մարկ Ցուկերբերգը, ԱՄՆ նախկին նախագահի ավագ դուստր Իվանկա Թրամփը, Microsoft-ի հիմնադիր Բիլ Գեյթսը, Դեյվիդ և Վիկտորիա Բեքհեմները և այլ աստղեր, քաղաքական գործիչներ:
Պարբերականը մանրամասնում է, որ 67-ամյա Մուքեշ Ամբանին զույգին արդեն նվիրել է շքեղ վիլլա Դուբայի Palm Jumeriah-ում: Այն ունի տասը ննջասենյակ և սեփական մասնավոր լողափ: Զույգին նաև տրվել է Bentley Continental GTC Speed մեքենա և պատվերով պատրաստված զարդերի ու հագուստի շլացուցիչ հավաքածու՝ մի քանի միլիոն դոլար արժողությամբ:
Ամբանիի կինը՝ 60-ամյա Նիտան, հարսին նվիրել է մեծ մարգարիտով և ադամանդներով մանյակ՝ 15 միլիոն դոլար արժողությամբ, իսկ որդուն՝ 4 միլիոն դոլար արժողությամբ Cartier բրոշ:
Ամբանիները նաև պատվիրել են 100 մասնավոր ինքնաթիռ, որպեսզի իրենց հայտնի հյուրերին ամբողջ աշխարհից Հնդկաստան տեղափոխեն տոնակատարությունների համար: Մումբայի բոլոր հինգ աստղանի հյուրանոցները հյուրերի համար ամրագրված են և վճարված Ամբանի ընտանիքի կողմից:
