«Հրապարակ» թերթը գրում է. «Նիկոլ Փաշինյանն անակնկալ կերպով, նախօրեի ուշ երեկոյան փոխել է պլանները եւ Արագածոտնի մարզային ղեկավարությանը տեղեկացրել, որ մարզ, մասնավորապես` Ծաղկահովիտ համայնք, կայցելի ոչ թե հուլիսի 11-ին, ինչպես նախապես պլանավորել էր, այլ՝ առաջիկա օրերին։ Թե կոնկրետ որ օրը, վարչապետի աշխատակազմը չի հստակեցրել՝ չբացառելով, որ գուցե այսօր կամ վաղը։
Մենք գրել էինք, որ Փաշինյանի այցի նպատակն ասֆալտապատված ճանապարհների բացմանը մասնակցելն է, գնում է ասֆալտը ստուգելու: Բացի այդ, նաեւ այստեղ նախատեսում են ՔՊ-ի տարածքային կառույց բացել՝ կոնկրետ Ալագյազ համայնքում:
Ընտրություններին ընդառաջ, Նիկոլ Փաշինյանը որոշել է ուժեղացնել ՔՊ տարածքային կառույցները, մինչեւ վերջերս Ծաղկահովիտ-Ապարան միասնական կառույց էր գործում, այսուհետ առանձին-առանձին երկու խոշորացված համայնքում էլ ՔՊ-ն կառույց կունենա։ 6 տարվա ընթացքում Փաշինյանը հաճախ է այցելել Ծաղկահովիտ, որտեղ ջերմ ընդունելության է արժանացել անգամ պատերազմից հետո»։
Մանրամասները՝ այստեղ։
