ՀՀ սահմանից որևիցե մաս քննարկման ենթակա չէ:
Այս մասին հայտարարեց ԱԺ նախագահ Ալեն Սիմոնյանը խորհրդարանական հայտարարությունների ժամին։
«ՀՀ սահմանից որևիցե մաս քննարկման ենթակա չէ, չի քննարկվում, բանակցությունները վարվում են, աշխատանքային խմբերը հանդիպում են, դա որևիցե բան չի նշանակում. կարող է` ինչ-որ մի պահ մենք ընդհանրապես հրաժարվենք որևիցե բան ստորագրելուց, եթե չգանք համաձայնության»,- հայտարարեց նա։
«Հարգելի՛ հայրենակիցներ, կրկնում եմ՝ ՀՀ տարածքից, ՀՀ Տավուշի մարզից, որևիցե մարզից որևիցե բան քննարկման ենթակա չէ»,- ասաց Ալեն Սիմոնյանը՝ անդրադառնալով «միակողմանի զիջումների» մասին շրջանառվող խոսակցություններին:
