Новости за 18.07.2024

ՀՀ ԱՆ քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողները ստացել էին օպերատիվ տեղեկություններ այն մասին, որ փորձ է արվելու «Նուբարաշեն» քրեակատարողական հիմնարկ ներս մտցնել կասկածելի դեղահաբեր։

Fastex-ի և Երևանի պետական համալսարանի միջև կնքված գործակցության հուշագրի շրջանակում Fastex-ի կողմից մշակվել է «Բլոկչեյն տեխնոլոգիաների հիմունքներ․ կրիպտո հավելվածների կիրառությունը» թեմայով դասընթաց, որը մեկնարկելու է այս տարվա սեպտեմբերին։ Սա կարևոր քայլ է մասնավոր – պետություն գործակցության համատեքստում, ինչպես նաև երկրի կրթության և գիտության ոլորտների շարունակական զարգացման տեսանկյունից: Դասընթացին կարող են մասնակցել Web3 ոլորտով հետաքրքրվող բոլոր անձինք։

Հրդեհի բռնկման պատճառը ոչ անփութության, ոչ էլ ինչ-որ մեկի մեղավորությունն է եղել, վերևում եռակցման աշխատանքներ են տարվել և մալուխ է եղել, գուցե դրանից է բռնկվել, քամին էլ ուժեղ էր, տարածվել է հրդեհը:

Հուլիսի 18-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Եվրոպական միության պատվիրակության ղեկավար, արտակարգ և լիազոր դեսպան Վասիլիս Մարագոսին:

Միջնորդություն են ներկայացրել դատարան՝ Ստեփանակերտի քաղաքապետի նկատմամբ «վարչական հսկողություն» խափանման միջոց կիրառելու մասին:

Հայաստանի ներքին ուղևորափոխադրումների ծավալը 2023 թվականին աճել է, իսկ միջազգային փոխադրումներինը՝ նվազել։

ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական առաջին բաժնում ավարտվել է առողջությանը ծանր վնաս պատճառելու, խուլիգանություն, սպանության փորձ կատարելու հատկանիշներով նախաձեռնված քրեական վարույթի նախաքննությունը:

Հուլիսի 17-ի երեկոյան Երևան-Սևան ավտոճանապարհի Սևանի վարչական տարածքում գործող «Best Western Bohemian Resort» հանգստյան գոտում տեղի ունեցած միջադեպի ժամանակ սպանված Արսեն Ռաֆայելի Աֆիյանը 36 տարեկան էր, ուներ երեք զավակ։

Հուլիսի 18-ին, ժամը 12։52-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ուջան-Ագարակ ավտոճանապարհին այրվում է ավտոմեքենա։

Սիրիայի բարձրագույն դատական կոմիտեի (ընտրական հանձնաժողովի) ղեկավար Ջիհադ Մուրադն ամփոփել է Սիրիայի Ժողովրդական խորհրդի (խորհրդարանի) պատգամավորների՝ հուլիսի 15-ին կայացած ընտրությունների քվեարկության արդյունքները։ Այս մասին հայտնում է ՏԱՍՍ գործակալությունը:

Հայկական կողմն առաջարկել է Հայաստանի վարչապետի և Ադրբեջանի նախագահի երկկողմ հանդիպում ունենալ ՄԹ-ում ընթացող Եվրոպական քաղաքական համայնքի գագաթաժողովի շրջանակներում, սակայն ադրբեջանական կողմը մերժել է առաջարկը:

«Բարսելոնան» իր պաշտոնական կայքում ներկայացրել է նոր համազգեստ, որը ֆուտբոլիստները կկրեն 2024/25 մրցաշրջանում։

Հավաքների ժամանակ ոստիկանների կողմից եղել են ուժի գործադրման դեպքեր, որոնք համաչափ չեն եղել: Այս մասին լրագրողների հետ զրույցում ասաց ՄԻՊ Անահիտ Մանասյանը:
«Մի շարք դեպքեր նույնիսկ տեսանկարահանման շրջանակներից դուրս են եղել։ Ես չունեմ իմ ձեռքի տակ դրա փաստը, բայց ունեմ մարդկանց կողմից բողոքներ, որոնք փաստում են, որ գործադրված ուժը համաչափ չի եղել։

Նիկոլ Փաշինյանը հրաժարվել է Ալիևի հետ հանդիպել Եվրոպական քաղաքական համայնքի գագաթնաժողովում:

Կառավարության որոշմամբ «Հայոց պատմություն» առարկայի փոխարեն այսուհետ դպրոցներում կդասավանդվի «Հայաստանի» պատմություն առարկան: Tert.am-ի հետ զրույցում պատմաբան, ԵՊՀ Հայոց պատմության ամբիոնի դոցենտ Հովիկ Գրիգորյանն աբսուրդային որակեց այս որոշումը:

Երևանում հուլիսի 18-ին կեսօրից հետո, 19-20-ին, 21-ի գիշերը ժամանակ առ ժամանակ սպասվում է անձրև և ամպրոպ, քաղաքի առանձին հատվածներում՝ հորդառատ։

Չարենցավանի բնակիչները բողոքի ակցիա են իրականացրել կառավարության շենքի մոտ, պահանջով՝ ետ վերադարձնել քաղաքի անձնագրային բաժինը:

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը ժամանել են Օքսֆորդշիրում գտնվող Բլենհայմյան պալատ՝ մասնակցելու Եվրոպական քաղաքական համայնքի 4-րդ գագաթնաժողովին։

Ֆուտբոլի միջազգային ֆեդերացիան թարմացրել է դասակարգման աղյուսակը:

ՖԻՖԱ-ի նոր վարկանիշային աղյուսակում Հայաստանի ֆուտբոլի ազգային թիմը նահանջել է մեկ հորիզոնականով և այժմ գտնվում է 97-րդ տեղում:

Վարկանիշային աղյուսակի լավագույն տասնյակում են Արգենտինան, Ֆրանսիան, Իսպանիան, Անգլիան, Բրազիլիան, Բելգիան, Նիդեռլանդները, Պորտուգալիան,Կոլումբիան և  Իտալիան: 

ՀՀ վարչապետ Նիկոլ Փաշինյանը Վուդսթոքի Բլենհայմյան պալատում մասնակցում է Եվրոպական քաղաքական համայնքի 4-րդ գագաթնաժողովին: Այս մասին նա գրել է իր թելեգրամյան ալիքում՝ կից հրապարակելով տեսանյութ։

Հուլիսի 16-ից 24-ը Վրաստանի Փոթի քաղաքում անցկացվում է «17th Poti International Chess Festival Nana Aleksandria Cup — 2024» շախմատի միջազգային մրցաշարը: Այս մասին հայտնում է ՀՇՖ պաշտոնական կայքը։

Հեղուկ գազի շուկայում բորսայի գները բարձրացել են, ուստի ՀՀ-ում և ընդհանրապես աշխարհում ներկրվող ապրանքի գները բարձրացել են, այդ իսկ պատճառով մեր ներքին շուկայում էլ են գները բարձրացել: Այս մասին լրագրողների հետ զրույցում ասաց ՄՊՀ նախագահ Գեղամ Գևորգյանը:

Իսրայելի Քնեսեթը (խորհրդարանը) հուլիսի 18-ին քվեարկել է պաղեստինյան պետության ստեղծման դեմ բանաձևի օգտին: Այս մասին հաղորդում է ՌԻԱ Նովոստին՝ The Times of Israel-ին հղումով։

Կառավարությունը 15 մլն 700 հազար դրամ կհատկացնի ԿԳՄՍՆ-ին՝ Հայաստանի պատմության թանգարանում «Մայր աստվածություն․ Անահիտից Մարիամ» ժամանակավոր ցուցադրության հանրահռչակման համար:

Հուլիսի 17-ին՝ ժամը 11։55-ի սահմաններում, «Սևան» քրեակատարողական հիմնարկի անվտանգության ապահովման բաժնի ծառայողները հատուկ տեխնիկական միջոցներով զննության են ենթարկել դատապարտյալ Մ․Գ․-ի անվամբ բերված հանձնուքը։