Ұлттық статистика бюросы 2024 жылғы 1 желтоқсандағы жағдай бойынша Қазақстан халқының саны туралы мәліметтерді жариялады, - деп хабарлайды Tengrinews.kz тілшісі.
Бюро мәліметіне сәйкес, 1 желтоқсанда Қазақстанда 20 265 320 адам тұрған. 2024 жылдың басымен салыстырғанда халық саны 231 478 адамға өсті. Табиғи өсім 217 133 адам болса, көші-қон сальдосы 14 345 адам болған.
Қазақстанда миллионнан астам тұрғыны бар үш қала бар: Алматы (2 286 328 адам), Астана (1 520 756 адам) және Шымкент (1 253 280 адам). Сондай-ақ, халқы миллионнан асатын облыстар: Түркістан облысы (2 154 304 адам), Алматы облысы (1 557 932 адам), Жамбыл облысы (1 222 411 адам) және Қарағанды облысы (1 134 002 адам).
Қазақстандықтардың көпшілігі қалаларда тұрады – 12 629 615 адам. Ауылдық жерлерде 7 519 966 адам өмір сүреді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
