Ақтауда блогері Азамат Сарсенбаевты Маңғыстау облысы Полиция департаментінің қызметкерлері ұстады, - деп хабарлайды Tengrinews.kz тілшісі.
Өзінің ұсталғаны туралы Азамат Сарсенбаев Instagram-парақшасында жазды.
"Мені ұстады. Ақтау Полиция басқармасына барамын. Ұшақ апаты орнына түсірілім жасағаным үшін болса керек", - деп жазды ол.
Маңғыстау облысының Полиция департаменті тілшіге Азамат Сарсенбаевтың қоғамдық тәртіпті бұзғаны үшін ұсталғаны туралы хабарлады.
"Ол апат орнына дрон ұшырып, құтқарушылар мен тергеу әрекеттеріне кедергі келтірді және полиция қызметкерлерінің заңды талаптарына бағынбады. Қазіргі уақытта құқық бұзушы полиция басқармасына жеткізілді, оған қатысты заңнамаға сәйкес шаралар қабылданады", - деп хабарлады полиция.
Бұған дейін блогер дрон арқылы Ақтаудағы жолаушылар ұшағы апатының салдарын түсіріп, суреттерді жариялаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
