ნალჩიკის გარნიზონის სასამართლომ დამნაშავედ ცნო ჯარისკაცი რუსლან ხასანოვი, თავისი დანაყოფის ნებართვის გარეშე დატოვებაში და მას ხუთი წლით პირობითი პატიმრობა მიუსაჯა. სასამართლომ შემამსუბუქებლად მიიჩნია უკრაინის ომში მისი ძმის დაღუპვა.
2024 წლის ივლისში ხასანოვი, რომელიც კონტრაქტის საფუძველზე მსახურობდა, გაიქცა დანაყოფიდან და სექტემბრის ბოლომდე ოჯახთან ერთად ცხოვრობდა სახლში. მანამდე მისი ძმა ომში დაიღუპა და მის ნათესავებს არ სურდათ ხასანოვის სამსახურში დაბრუნება.
"ეხო.კავკაზას" ცნობით, გარნიზონის სასამართლომ შემამსუბუქებელ გარემოებად მიიჩნია ის ფაქტი, რომ თავად რუსლან ხასანოვი მონაწილეობდა "სპეციალურ სამხედრო ოპერაციაში" (როგორც რუსეთი ოფიციალურად უწოდებს სრულმასშტაბიან ომს უკრაინის წინააღმდეგ–რედ.), რომელშიც ის არაერთხელ დაიჭრა. სასამართლომ ასევე გაითვალისწინა ის ფაქტი, რომ უკრაინაში დაიღუპა მისი ძმა, რომელსაც სიკვდილის შემდეგ მიენიჭა სიმამაცის ორდენი. თავად ბრალდებულსაც აქვს მიღებული მედალი სიმამაცისთვის და საბრძოლო ვეტერანის სტატუსი.
