საფრანგეთმა სარაკეტო დარტყმა განახორციელა რადიკალური დაჯგუფება „ისლამური სახელმწიფოს“ ობიექტებზე სირიაში. ეს ორგანიზაცია ბევრ ქვეყანაში ტერორისტულად არის აღიარებული. ოპერაციის შესახებ სამშაბათს გამოაცხადა თავდაცვის მინისტრმა სებასტიენ ლეკორნუმ და აღნიშნა, რომ ის კვირას ჩატარდა.
საფრანგეთის ავიადარტყმებს წინ უძღოდა სირიაში შეერთებული შტატების მსგავსი ოპერაციები. ამ რეიდის დროს, ვაშინგტონის ცნობით, მოკლულ იქნა „ისლამურ სახელმწიფოსთან“ დაკავშირებული რამდენიმე მეომარი.
როგორც Reuters-ი აღნიშნავს, სირიის პოლიტიკური მომავალი გაურკვეველი რჩება იქ პრეზიდენტ ბაშარ ალ-ასადის რეჟიმის დაცემის შემდეგ. მისი ხელისუფლება 8 დეკემბერს დაამხვეს აჯანყებულმა ძალებმა, რომლებსაც მეთაურობდა დაჯგუფება „ჰაიათ ტაჰრირ ალ-შამი“. ამ ორგანიზაციას ტერორისტულად მიიჩნევს არაერთი ქვეყანა, მათ შორის შეერთებული შტატები.
ასადის ოპონენტების ელვისებურმა თავდასხმამ დაასრულა ქვეყანაში 13-წლიანი სამოქალაქო ომი, მაგრამ დატოვა მრავალი კითხვა მრავალეთნიკური ქვეყნის მომავალთან დაკავშირებით, სადაც სახელმწიფოებს, მათ შორის თურქეთსა და რუსეთს, აქვთ დიდი და პოტენციურად კონკურენტული ინტერესები, ასკვნის Reuters-ი.
