„მაიმუნის ყვავილი“ (mpox) ინფექციური დაავადებაა, რომელიც ძირითადად მსუბუქად მიმდინარეობს, თუმცა ახასიათებს გართულებებიც, რომლებიც იშვიათ შემთხვევაში შესაძლოა სიკვდილითაც დასრულდეს. აფრიკის ქვეყნებში ეს დაავადება ენდემურ სახეობად ითვლება. წელს აფრიკაში ვირუსის მორიგი აფეთქებაა, რის გამოც ჯანმრთელობის მსოფლიო ორგანიზაციამ 15 აგვისტოს გამოაცხადა საერთაშორისო მნიშვნელობის საგანგებო სიტუაცია.