I snitt ser lønna ut til å auke med 4,5 prosent neste år. – Framleis høg lønnsvekst kombinert med lågare prisvekst gir utsikter til god reallønnsvekst både i år og neste år, skriv regjeringa i forslaget til statsbudsjett for 2025, som blei lagt fram måndag.
Regjeringa reknar med at prisveksten neste år vil vere på 3 prosent. – I denne meldinga er det lagt til grunn ein årslønnsvekst på 5,2 prosent i år, i tråd med frontfagsramma. For neste år blir ein årslønnsvekst anslått på 4,5, skriv regjeringa i budsjettdokumenta.
