Entreprenør er på veg til Nautaviki på E16 mellom Flåm og Aurland. Vegen er stengd etter at det har kome fleire steinar ned i vegbana, melder Vegtrafikksentralen.
Det er lange køar på staden. E16 er førebels stengd i både Fretheim- og Onstadtunnelen.
– Det er passasje, men ein må køyre slalåm mellom steinane. Den største steinen er over ein meter brei, seier Erik Elnes, trafikkoperatør ved Vegtrafikksentralen.
Det blir også jobba med å få ein geolog på plass.
Grunna oppsamling av trafikk mellom tunnelane er og E16 Gudvangatunnelen og E16 Flenjatunnelen stengt.
Det blir ny vurdering kl.17:00.