Tilsette ved Boeing-fabrikkar på vestkysten i USA stemte torsdag for å gå ut i streik. Det melder Reuters.
Dei tilsette ønsker høgare lønn, og 96 prosent stemte for streiken.
Rundt 30.000 arbeidarar som produserer Boeings 737 Max og andre jetfly i Seattle- og Portland-området legg no ned arbeidet.
Det skjer etter at Boeing la fram ei ny kontrakt for dei tilsette. Kontrakta inneber mellom anna ein auke i løn på 25 prosent over dei fire neste åra. Dei tilsette kravde i utgangspunktet ein auke på 40 prosent over ein treårsperiode.
Streiken startar kl. 9 norsk tid. Det er første gongen fabrikktilsette på Boeing-fabrikkar streikar sidan 2008, skriv Reuters.
