President i Frankrike Emmanuel Macron møter fredag partileiarar frå alle dei politiske fløyene, for å finna ein statsministerkandidat. Det skriv NTB.
President Macron har enno ikkje valt ein ny statsminister etter at venstrealliansen Ny folkefront vann parlamentsvalet 7. juli.
Ny folkefront har peika ut økonomen Lucie Castets som sin statsministerkandidat.
Kriteriet for ein ny statsminister er at kandidaten blir godkjend av eit fleirtal i nasjonalforsamlinga, og ikkje felt av mistillit innan kort tid.
Avtroppande statsminister Gabriel Attal leier eit såkalla forretningsministerium fram til ein ny kandidat er godkjend.