Reuters melder at Storbritannias utanriksminister David Lammy seier at regjeringa har planar om å gjenoppta støtta til FNs hjelpeorganisasjon for palestinske flyktningar UNRWA.
Det er denne organisasjonen som står for mykje av hjelpearbeidet for palestinske flyktningar i regionen.
Israel hevda at tilsette ved organisasjonen tok del i terroråtaket 7. oktober. Etter det trakk mange land støtta til organisasjonen, som då sleit med finansieringa.
Israel kunne ikkje bevise skuldingane, og ei uavhengig gransking slo fast at det ikkje var bevis for at tilsette var kopla til Hamas.
I ettertid gjenopptok mange land støtta. No skal altså Storbritannia ha planar om å følge etter.
