Måndag ettermiddag og kveld er det venta lokale kraftige regnbyer i delar av Vestland og Møre og Romsdal, samt sørlege delar av Trøndelag. Varselet er på gult nivå. Nedbøren kan føre til overvatn og flaum der regnbyene treff. – Det er store lokale variasjonar i intensitet og mengd, og vêret kan endre seg raskt, melder meteorologane på varsom.no.
Det er også gult varsel for lyn for indre delar av Vestland, samt delar av Møre og Romsdal, Sør-Trøndelag og Innlandet.
