Артём Здунов Мордовия Республикань Прявтсо оперативной промкссо кортазель, кода ошось вастызе теленть. Чинек-венек важодить авариянь 100 бригадат, техникань 240 единицат. Илязт уле стакачить электричества марто, рамазельть ещё 10 генераторт. Сынь максовить Ардатовань, Атюрьевань, Чаунзань, Темниковань ды Торбеевань буетненень. Артём Здунов явсь мель соцсеттнесэ пеняцямотнень лангс ды кармавтсь Саран ды Рузаевка оштнень прявттнэнень саемс лотксема таркатнеде кевкстематнень вановтост алов ды эсь аккаунттнэсэ максомс каршо валт кармавтозенть топавтомадо. Карми ютавтовомо Мордовиянь эйланга кирякстнемань таркатнень ютксо пелькстамо. Улезт вадрят ды зыянтомот. Культурань министерствантень эряви анокстамс интерактивень мельстуиця программа.
