Россиянь кемень вузонь тонавтницятне сёксня ушодыть тонавтомо «Этнология ды регионоведения» од предметэнть, конасонть тонавтницятне содавтовить минек масторонь этнокультурань сюпавчинть ды эрицятнень вейкексчинть марто. Тонавтомань курсонть арсизь-теизь Северо-Кавказонь федеральной округонь университетэнь содыйтне тёкш тонавтомань таркань лия вейсэ важодицятнень марто. Сон кеместэ сюлмави «Основы российской государственности» дисциплинанть марто, кортави СКФУ-нь телеграмм-каналонь сёрмадовкссо.
«Тонавтомань организациянь прявт тевтнень ютксо Россиясо эрицятнень вейкексчинь ды тонавтницятнень масторонтень вечкемань кемекстамось. Кеман, курсось лезды ванстомс историянь тевкадовксонть, истяжо од ломантнень масторонтень вечкемань, духовной ды ломаньёнксонь кастомантень», — ёвтнесь университетэнь ректорось Дмитрий Беспалов.
Курсось ашти редявикс теориянь пельксстэ, историянь келей ды неень шкань материалсто.
