Саран ошсто шахматсо 7 иесэ налксицясь изнизе Россиянь Кубкасо эскельксэнть, кона ютась Московсо «Moscow Open 2024» шахматонь расьеютконь форумонть лувсо. Кода пачти ошонь администрациясь, 97 эсест иень пелькстыцятнень ютксо Егор Тапазов налксемстэ эзь тее вейкеяк ильведевкс. Теде икеле од спортсменэсь невтизе сядопроцентэнь цётамонть Саратовасо эйкакшонь эскелькссэ шахматонь коряс Россиянь Кубкасо, 9 уликс очкатнень эйстэ кочкась 9. «Россиясь кавто турниртнэсэ цётамотнень коряс Егор кастызе эсензэ шахматонь рейтингенть 200 таркас», — кортыть администрациясо. Икеле сонзэ учи эйкакштнень ютксо Россиянь Кубкань меельцек эскелькс, кона юты Чебексарсо.