«Минь пурнасынек Мордовиянь од ломантнень Мордовиянть марто одс содавтомас: кармамс вечкеме сонзэ историянть, чопавтемс стувтозь койтнес ды муемс сеть зэметнень, штобу «Эрямс ды важодемс Мордовиясо» — истямо девизэсь «Ялгат» од ломанень форумонь!
«Ялгат» од ломанень форумось ютавтови умарьковонь 23-27-це читнестэ В.Дубининэнь лемсэ «Изумрудный» эйкакшонь шумбрачинь витемань лагерьсэ. Сонзэ участникекс теевить 14 иестэ саезь 35 иес од ломанть. Кемекстамось поладови умарьковонь 10-це чис.
Форумось тееви региононь сыця эрямонь невтемакс ды теварсевкстнэнь ванномань таркакс. Форумонть лувсо кармить важодеме тонавтомань 10 кластерт, панжовить шкинемань раськень мастерскойть, гайгезеви прявт сценась.
Теде башка юты од ломанень теварсевксэнь весе Россиянь пелькстамо. Грантонь пень покшолмась, кона максови пелькстамонь изницянтень – 1,5 миллиондо аволь седе ламо целковойть. Пелькстамос тердевить Россиянь Федерациянь 14 иестэ саезь 35 иес эрицят.
Регионось изнясь «Регион для молодых» од ломанень политикань вейс пурнавксонь кастомань программатнень ютксо весе Россиянь пелькстамосо. «Ялгат» од ломанень форумось топавтови «Тонавтома» раськень теварсевксэнь «Развитие системы поддержки молодёжи» региононь проектэнь «Регион для молодых» од ломанень политикань вейс пурнавксонь кастомань программанть лувсо од ломанень тевень Федеральной агентстванть кирдеманзо вельде.
