Мордовиясо «Демография» раськень теварсевксэнь «Формирование системы мотивации граждан к здоровому образу жизни, включая здоровое питание и отказ от вредных привычек» региононь проектэнть лувсо аравтови общественной шумбрачинь кемкстамонь вейкине лув. Тень марто ванновить путовксонь колмо невтевкст. 2024-це иень васенце пель иенть перть весе сынь топавтозь. Истя, Мордовиясо важодицятнень шумбрачист кемекстамга анокстазь корпоративень программат. Сынь совавтозь республикань 15 предприятиятнесэ.
Муниципальной весе образованиятнесэ тевс нолдавить общественной шумбрачинь кемекстамонь муниципальной программат. Теде башка, эрицятнень ютксо шумбрачинь ванстоманть кирдемга ды аволь инфекциянь свалшкань орматнень профилактиканть кис ютавтозь кулянь-пачтямонь кампания. Раськень теварсевксэнть лувсо шумбрачинть мельга ванномадо важодемась юты весе иень ломантнень ютксо. Башка мель явови тевс маштовиця иень ломантненень.
