Мордовиянь прявтошонь Пролетарской буесэ Солнечная куросо поладови коррекционной школань-интернатонь стявтомась.
«Объектэнть анокчись – 84 процентт. Молить потмонь инженерэнь меельце систематнень ладямось, потмонь тевтне, тувортнэнь-эземтнень пурнамось ды стявтомась, пильгеоскань ды волейболонь-баскетболонь куротнень теемась, архитектурань вишка форматнень стявтомась, паролгавтови ды пижелгавтови таркась», — ёвтнесь республикань правительствань Прявтось Дмитрий Поздняков.
Ледстясынек, социальной объектэнь стявтомась ушодовсь 1990-це иетнестэ. Стявтоманть арсеви прядомс те иестэ, юты сон «Тонавтома» раськень теварсевксэнть лувсо. Те тонавтомас кудонь цела комплекс: школадо икеленсетнестэ саезь покш школас молемс. Коррекциянь од школасо тонавтомань лувось анокстави чинь ды интернатонь улемань форманть коряс.
