Կովկասյան ընձառյուծը կրկին հայտնվել է «Խոսրովի անտառ» պետական արգելոցի տեսախցիկների թիրախում։
Այս մասին տեղեկանում ենք «Խոսրովի անտառ» պետական արգելոցի էջից։
«Խոսրովի անտառ» պետական արգելոցը հրապարակել է Կովկասյան ընձառյուծի նոր տեսագրությունը, որին ուղեկցող գրառման մեջ ասվում է.
«Բնության զարդը՝ Կովկասյան ընձառյուծը։ Գրանցված է Հայաստանի Կարմիր գրքում և Բնության պահպանության միջազգային միության (IUCN) կարմիր ցուցակում «կրիտիկական» կարգավիճակով:
Ընձառյուծը Հայաստանի խորհրդանիշներից մեկն է։ Այն որպես իմաստության և հզորության խորհրդանիշ հանդիպում է հինավուրց քանդակներում և նկարներում»,- ասված է հրապարակված տեսանյութին կից գրառման մեջ:
Նշենք, որ կովկասյան ընձառյուծն ամենահազվադեպ հանդիպող մեծ կատվազգիներից է, աշխարհում մնացել է ընդամենը 800-1000, իսկ Հայաստանում՝ մոտ 10 առանձնյակ։
The post «Խոսրովի անտառ»-ում տեսախցիկները կրկին Կովկասյան ընձառյուծ են նկարահանել (տեսանյութ) first appeared on MediaLab Newsroom-Laboratory.