30-ıncı yıllarnıñ başında sovet Ukrainanıñ şeerlerinde Ğarp memleketleriniñ konsullıqları bar edi. Diplomatlar, bölşevist Ukrainada açlıq olğanına dair kederli haberlerni er afta yollay edi. Harkivde çalışqan çetel müendisleri ise açlıq aqibetlerini fotoğa çıqardı. Faqat 30-ıncı yılları Avropa paytahtlarından ukrainalılarğa qoltutuv beyanatları yapılmağan edi. Kütleviy açlıq qurbanlarınıñ fotoresimleri ğarp matbuat vastalarından Ekinci cian cenkinden soñ derc etilgen edi. Avropa büyük bir facianı nasıl körmedi? Donbaslı köylü «NKVD» hadimleriniñ cinayetlerini fotoresimlerde nasıl qayd etti? Ukrainalılar qurban kompleksini ne içün inkişaf ettirmemeli? Bunıñ aqqında – Radio Svobodanıñ vesiqalı leyhasında.