Noyabrniñ 15-inde Kyivde Mihaylovskaya meydanında, Rusiye ve ilhaq etilgen Qırımda tutulğan ukrain siyasiy mabüslerine destek kösterüvi olaraq “Boş kürsüler” aktsiyası keçirildi. Qırım.Aqiqat mühbiri, tedbir teşkilâtçıları Ukrain PEN-klubı ve Grajdan azatlıqları Merkezi oldı dep haber etti.
1980-inci yıllarnıñ soñundan PEN International teşebbüsinen boş kürsü, apis etilüvi, türmede tutılması, ğayıp olması, yaşayışına telüke ya da öldürilüvi sebebinden tedbirde bulunmağan müellifniñ timsali ola. O vaqıttan berli, noyabrniñ 15-inde, Apis etilgen yazıcı Künündebütün dünyada böyle kibi uquqqoruyıcı aktsiyalar ve performanslar keçirile.
Kyivde ukrain Kreml mabüslerine ve olarnıñ qorantalarına öz qoltutuvını köstermek içün ve ukrain siyasiy mabüsleriniñ azat etilmesi içün küç-quvet birligini köstermek içün,aktsiyağa tek uquqqoruyıcılar, cemaat erbapları ve medeniy faaller degil de, siyasetçi ve diplomatlar da qoşuldı, dep haber ete teşkilâtçılar.
Uquqroruyıcılarnıñ malümatına binaen, Rusiye ve o ilhaq etken Qırımda 60-tan ziyade Ukraina vatandaşı siyasiy sebeplerden dolayı serbestlikten marum etilgen buluna. Ukraina Tış işleri nazirligi Rusiyege, anda tutulğan ukrainalılarnı azat etmesi talabınen 300-ge yaqın nota yolladı.
