Noyabr 8-inde saba Canköy rayonınıñ Qalay (Azovskoye) qasabasında yerli sakin Halil Ablâmitovnıñ evini tintediler. “Qırım birdemligi” cemaat birleşmesi haber etkeni kibi, evde beş qoranta azası, olardan birisi - bir yarım yaşlı bala yaşamaqta. Tintüv vaqtında esli-başlı baba yaramadı, evlerine “acele yardım”nı çağırttılar. Tintüvden soñ rusiye quvetçileri, ev saibiniñ oğlu Ablâlim Ablâmitovnı bilinmegen yerge alıp ketti. Bundan ğayrı, Ablâlimniñ yüklü apayı Aycannı da alıp kettiler.