Aqmescitte yaqıt qoyuv stantsiyalarında benzin fiyatı tüşti. Bu aqta Kreml nezaretindeki Krımstat haber ete.
“Aqmescit bölgesinde yanıcı-yağlayıcı malzemelerniñ ayrı çeşitleriniñ er aftalıq nezaretine köre, 2018 senesi avgustnıñ 6-sına dizel yaqıt ve benzin fiyatlarınıñ tüşkeni körüne. Aİ-92 benzinniñ fiyatı 0,15%-ğa ucuzladı, Aİ-95 ve Aİ-95 premium – 0,39%-ğa ucuzladı, Aİ-98 – 0,20%-ğa ucuzladı. Dizel yaqıtnıñ fiyatı 0,15%-ğa ucuzladı”, - dep qayd etile beyanatta.
Statistikanıñ malümatına köre, Aİ-92 benzinniñ bir litri – 46,27 - 46,30 ruble, Aİ-95 ve Aİ-95 premium – 47,77 - 49,40 ruble, Aİ-98 - 54,77 - 55,70 ruble, dizel yaqıtı - 47,77 - 48,20 ruble.
İyülniñ 23-nde ATAN, eñ büyük Qırım yaqıt şirketi, öz stantsiyalarında benzin fiyatlarını tüşürdi.
Aprel ayında Rusiye antimonopol hızmeti yarımadağa cermay mahsulatlarını teslim etken doquz şirketke qarşı dava açtı.
Qomşu Rusiyege köre Qırımda benzin fiyatları yüksekçe olğanını ve bu Keriç keçitiniñ işine bağlı olğanını iyülniñ ortasında Qırımnıñ rusiyeli başlığı – Sergey Aksönov qayd eteken edi.
